Shunday sharoitda internetdagi yot g‘oyalarga qarshi ma’naviy immunitetni shakllantirish uchun ijodkor-ziyolilarning raqamli maydondagi ovozi balandroq yangrashi kerakligi ta’kidlandi.
 

“Shu bois, yangi tashkil qilinayotgan 21 ta ijodiy birlashma puxta tayyorgarlik ko‘rib, yiliga kamida 4 marta tanlovlar o‘tkazsa, hozir juda dolzarb bo‘lgan mahalla va jamiyatdagi birdamlik, oilani mustahkamlash, halol mehnatni ulug‘lash, tabiatni asrash, atrof-muhitni toza saqlash, sog‘lom turmush tarziga amal qilish, isrofgarchilikning oldini olish, eng asosiysi, odamlar qalbida shukronalik, islohotlarga daxldorlik, milliy g‘urur tuyg‘usini kuchaytirish kabi mavzularda ta’sirchan asarlarni ko‘paytirsalar, ulardan minnatdor bo‘lardim”,

– dedi Prezidentimiz.

El-yurtda katta hurmat va e’tibor qozongan ziyolilarimiz bu ishlarga o‘zlari bosh-qosh bo‘lib, butun xalqimizni “Men O‘zbekiston farzandiman!” degan ezgu g‘oya atrofida birlashtirishiga ishonch bildirildi.