“Dolzarb 90 kunlik” doirasida Qumqo‘rg‘on tuman 20-sonli  bolalar musiqa va sanʼat maktabi o‘qituvchi va o‘quvchilari konsert dasturi namoyish etdi. 

O‘zbekiston Respublikasi Prezidentining topshirig‘i asosida tashkil etilgan “Dolzarb 90 kunlik” amaliy sa’y-harakatlar dasturi doirasida joylarda turli madaniy-ma’rifiy tadbirlar amalga oshirilmoqda.

Shu munosabat bilan bizning 20-sonli bolalar musiqa va sanʼat maktabi o‘qituvchi va  o‘quvchilari tomonidan badiiy-konsert dasturi namoyish etildi. Tadbirda yosh ijrochilar o‘zlarining kuy va qo‘shiqlari  orqali tomoshabinlarga ko‘tarinki kayfiyat ulashdi.

Konsert dasturida milliy va zamonaviy sanʼat namunalari uyg‘unlashgan holda ijro etildi. Tadbir nafaqat o‘quvchilarning iqtidorini namoyon etdi, balki madaniyat va sanʼat orqali yoshlar tarbiyasiga bo‘lgan e’tiborning amaliy ifodasi sifatida yuqori baholandi.